樓災已成形！

如果講新鴻基喺屯門既新盤Novo Land 定下了新界樓價下跌既趨勢，均價在13800，由於呢個價既銷情都唔熱熾，往後下半年新界樓價仍要尋底，我相信年底要到12000。

咁樣既話，近日恆基九龍啓德盤Henley Park 再推既新單位，就會定下九龍大型屋苑樓盤下調既新調子，最新發出既價單，均價係21000，跟同盤2021年首賣均價喺28000左右相比，跌幅已是兩成五，相當驚人（近幾年買樓既人真係輸到怕），但如果21000都唔能夠將要發售既單位一Q清袋，又或接近清袋得嚟「賣勢」極弱，咁年底就要到18000，咁九龍大型新屋苑真係到呢個價既話，九龍既單枝新樓就重唔值錢，約14500有交易！

九龍單枝樓同香港單枝樓唔同，因為九龍新界地形問題較易有大型屋苑，買家偏向鐘情呢d盤，令單枝因為缺乏交易而無乜參考價，d賣價會差d；唔同香港島，地形令單枝無可避免（你睇香港大學既campus 同dorm 咁散就知），d價無咁賤。

講返恆基喺啓德呢個盤，雖然地產代理d高管又會出嚟講咁鬼平會一Q清袋，但大家已經對佢地講既野麻木，甚至加以揶揄，其實我覺得佢地好難為，地產商比盤佢地做，唔通佢地唱衰個盤咩！唯有焗住講Q Q都咁勁！

但實情係，市場已有我上述的計算，準買家都怕下半年再減，大多按兵不動，只有嗰d心態弱或耳仔軟先比經紀說服到去買。

一切都等恆基開賣嗰日先知情況，我好彩，同舊生有個樓市telegram group ，佢地好踴躍跟進，所以我好快就得到最新售樓資訊。