樓市開始踏入熊市第三期，為期兩年左右。

政府全面撤走樓市辣招，是大招，舊生紛紛問我對樓市有甚麼影響？

撤走辣招令物業流動性高了，當然好啦，走貨都容易d！但說樓價會即升，認真發神經！別忘記這些辣招是用來打壓樓房炒賣的，基本上，當下香港樓市並無炒賣活動，何來樓價升？會吸引投資者和炒家入市炒賣嗎？會！一兩年後！而家，攪掂d發展商貨尾先啦！咁鬼多！

因為若你係資深物業投資者，原始意識告訴你，樓市要經過一段去貨期，才到真正的谷底，現在是熊市三期的開始（熊市一期完結於二一年頭半年的樓市反彈），要入市，還要待一年至年半時間，而且今回谷底還要橫行一段日子，要等香港經濟復甦才有動力上升，何須如此急！真係炒完成個NVIDIA週期才來投資香港物業也未遲！而家咁高息，又有咁多投資機會，我做乜儍到買間港樓來砸住d資金，無息收架！租金又唔夠貼！

我相信現在發展商已磨拳擦掌準備推貨出來讓新舊港人接貨，不會加價；反之，扣埋優惠，有減添，去貨緊要嘛！總之，發展商套現為先，還清比銀行免得持續比高息（我說過千次了，美國今年年尾埋單結數絕無減息），然後由頭玩過，再睇住香港經濟環境出價投地。

我預計未來一年仲有一成跌幅，就差不多囉，亦即由2018年高位最多下跌4成，如果有咁既貨，單位無漏水無滲水，係荀貨！到時大把人要。

樓市短浪以七年計（大週期為廿一年左右），上一轉由九七行到零三年；今回由二零年開始，已步入第五年，要自住置家，明年入市差不多，因為開始有一定的保值能力。

至於另外那七年，大有可能橫行，上升與否要待內地和香港經濟復甦。

那再來多個七年，該又有得賺了，不過，應該無倍升咁好咯，可能買似虛非虛的加密貨幣，還高回報。

凡物有週期，你要相信。