樓市的深層分析 ——— 我對2024年樓市不悲觀。

有幾位舊生曾不約而同對我說：「Alex，你對投資的推斷，最準就是樓市。」

人老就愛被讚，既然人家欣賞我對樓市的看法，我又說多一點。

對於今年樓市，我並不太悲觀，所謂不悲觀，是認為要下調都下調了，由2018年高位下調三成已成定局，但我真認為再下調的機會極微；當然，再攀升亦無可能！

如果你深入了解樓市，你就知道，現時跌足三成是那些二百呎樓下的納米樓，呢d根本唔係樓！（我即刻要轉用返廣東話講先到肉）我成日同人講，發展商根本倒轉嚟開價，好搵笨！一個四百呎單位賣700萬，咁一個二百呎納米樓就應該賣350萬，但細到咁，訓教都隨時伸唔直隻腳，五臟又不全，就應該再賣平D先啱！但發展商居然可開4百多萬，整多個廁所要比多咁多錢？但過去十年，有些港人為左要置業，居然肯買，就註定要蝕足三成！長實樓神趙國雄亦不諱言，指出這些樓早走早著。

一房和兩房也好不到那裏，雖然跌幅無足三成，但也有二成多，始終呢款樓既供應係最多。

至於三房，睇邊隻三房，三房有套廁係另一個市場檔次，有埋工人房更好！我一向認為呢款樓係貴重物業，呢個檔次市場仍有承托力，內地人肯嚟接貨，跌幅較細，一成左右！如果係新樓，兼且2020左右先入手買，蝕好少！唔計裝修可只蝕幾個百分點而已！

無套廁嗰D三房就擇洗d，只可當兩房嗰隻檔次睇。

正因為有套房的三房這種檔次仍有承托力，再加上香港相比內地仍有一定的經濟制度優勢，而近一季因印花稅的放寬，亦多了內地人買港樓（但心態再不是追價買）；發展商亦會一浸浸等市場購買力再生先有序地推盤，我認為樓市會穩於當下。

還有，租值仍處於高位，即係仲有好多人想住香港，息口又不會再加，一切一切，均是利好因素。

期望樓價再慘跌，是不切實際的空想。