樓價未來三至四年未必再跌

近兩年，香港整體經濟不斷收縮，樓市已由2018年高位下跌了最少三成，股市更差不多腰斬一半…..

很多人也期待大市繼續尋底，你見youtube 天天講樓市預期再跌跌跌就知，是否實況仍是未知之數，但大家都期待再跌得凄厲些，是顯見的；始終，有平貨執嘛！

但客觀事物並不會因部份人的主觀意志所轉移，除非全城的人都咁諗。

問題就係；唔係全城既人都咁諗。

先講樓市！

其實，經過左過去十年有多既量寛，好多香港人嗰底都好「厚」，物業已full pay ，而且不只一間，佢地根本唔旨在賣，

價唔好咪放喺度咯。我有朋友準備移居，已打定輸數賣唔出間樓，亦唔會賤賣，甩唔到就放租。呢種想法，開始喺新一波移居既人度出現，佢地雖然部署移居，但無上一波的人咁「決絕」，「移居啫，我仲會返嚟既！」心態較隨緣，具彈性。

近半年租金不斷上升，呢樣野無得呃既，即係仲有好多人想住香港，你而家同地產代理講放物業，佢地都會同你講：「不如放租啦！」而家租客多，易搵到客，雖然收既佣金同買賣物業所收既天差地別，但好過無佣收，而家跟進物業買賣，真係得個「磨字」，難促成交易。

仲有租金撐住樓價，再跌機會就更微；呢方面，同九七嗰段時間唔同。你諗下，而家租樓每月都要比萬二三蚊，住三四十年，都要比四五百萬，同而家樓價差不多。

而家d發展商，你亦開始見到佢地心態都開始變，似乎打算嘆慢板，將d樓慢慢賣，賣夠十年，一日賣唔曬就唔再補充土地；所以，你見佢地而家唔熱熾投地，賣晒手上d單位先算，大發展商嗰「底」當然比普通業主更厚，絕對有實力行呢個策略，反正佢地都想減慢投資香港的步伐，咪慢慢賣咯。

要住既人唔急買，要賣既人亦唔急放，未來三至四年，樓價只會企穩喺當下呢個水平。