柏蔚森咁快有撻訂！？

勢估唔 到，昨日個啓德盤柏蔚森推得百鬆d單位，都只賣走六成二，樓市比我預期更差。

更恐怖既係，上星期首輪買既人，有兩個簽左臨時買賣合約後無上律師樓簽埋必買必賣合約，居然一星期內就取消交易，真經典！呢個屋苑咁快就錄得兩宗撻訂，撻得會唔會太快呀！

呢兩個買家，一定係比上星期日賣樓氣氛所影響，再加埋經紀喺隔離不斷「水」佢地，又話美國快減息，又話真平呀，個客一時耳仔軟，就無左幾十萬！

d經紀推盤，成日用美國快要減息做利好原因「水」d買家；唉….就算美國減息，香港都未必需要即跟，有讀過Econ 都知，聯繫匯率只係保港元對美元的一個波動範圍，所以香港和美國可存在一定息差，無需跟到貼！

再加上港物業而家係高風險資產，銀行借錢比客戶買樓都要收返個premium ，所以嚟緊美國減息四份一釐，香港銀行未必跟減，應該係九成唔肯減。

至於d樓係咪真係平，見仁見智啦，買嚟自住就真係比以前抵咯，平三成bor！但點解自用買家仲少過樓市癲價時！？

嗰個屯門盤黃金海灣仲話推第二輪要加5%，咁沙pot ，想剩走三成貨定啦！

加5%，真係難為d經紀，唔知點sell 好！

唔通講發展商惜貨，根本唔想賣，係d客跪求要買，唯有加價賣咯！」

如果有客信，然後真買入，一星期後又有幾宗撻訂啦！