未來日子中學老師未必再是「鐵飯碗」

舊生是中學老師，見樓價下調，問我適合置業與否。我的回應是：「要置業建立家庭又無移居打算，咁無得你揀，要買；唯一要慎思既：你份工，會否在五六年後因殺校而無左！」

真既，以前中學老師幾近係鐵飯碗，只有你幾時決定離職或退休；但時移世易，較年青的老師，呢份工未必再能恆守到你退休。

首先，今年小學intake 約五萬，六年後，當仍有呢個數，一間學校平均收120個學生，即係只需400間左右，而家約有500間中學，啫係六年後要殺五份一學校，1/5機會會失業，五位老師有一位失業，你咪話唔驚！

第二，與私營部門比，當下做中學老師薪酬「開始」偏高，往後幾年既經濟，相信只會下行，中學老師的薪酬就更明顯處於高位，真係大把大學畢業生想做！倘若港府一且財政絀緊時，向教育界開刀節約支出，亦無可厚非。最弊既係，老師薪酬跟公務員人工掛鈎，要減技術會困難，不如一刀切殺校來得乾脆。

第三，政府未來財政真的不會太充裕，港府一直咁有錢，其中一個主因係跟地產息息相關，賣地和印花稅收益喺2019年之前真係好犀利，但而家地產市道極低迷，呢d收益少左好多，旺角水務署嗰塊地三千多蚊新鴻基就投得，你就知政府袋唔得多！同時政府要應付未來基建和住屋發展項目，財政壓力極大，無錢就必然要削減支出，到時甚麽小班教育也理不了，整合學校和殺校為先，唔到你做中學老師喺呢幾年無兩手準備。

殺完校先下調公務員薪金，劇本應該咁樣行。

任何社會，無話任何制度會一成不變既，以前我做學生時，日本人打工幾近係終身侍奉一間公司；而家，你有無聽過呢份職業黏性！？無啦，日本已經無左好耐呢種觀念啦！

所以年青一代的中學老師，你地真要努力不懈充實自己，為個人增值，學多d本領，世情已變，呢行都充滿好多不確定，要自強不息嚟應付將來之大變。