未來幾年，任何高檔市場都無可為！

未來幾年，任何高檔市場都無可為！

環球經濟不景氣，大家都窮了，你做生意既，就千其唔好做high-end products，賤物鬥窮人，你賣平野，仲可能密食當三餐，好好生意；你懶高檔做貴價野，顧客得個睇字，無幫襯，蝕死！

過去十多年全球政府狂印銀紙，推高各類資產價格，繼而人工，個個比得起錢，買貴野絕不手軟；今時唔同往日，你近半年投資，大多未有資本增值，要長守一段時間，而人工加幅亦慢慢放緩（唔放緩仲死，即係會出現嚴重失業），大家何來有錢買貴野。

就好似香港個樓市，發展商再扮高格賣樓都無用，市民睇唔到有生錢入，就唔會豪花，會斤斤計較，所以發展商一定要好似李嘉誠賣親海駅咁，要夠平！我講過，而家買家計樓價係由誠哥個盤開價計上去（如果物業質素高d既話），而唔係用同屋苑的前幾期賣價相比，話已經平左咯bor! 市場真係已經唔係咁計算嗰d單位抵唔抵，真係兩種計法嚟。

我之所以話Apple 未來十年要收皮，其中一個原因就係佢d產品太貴；上十年大家有錢，特別內地人，對蘋果旗艦手機趨之若鶩，視為炫耀性產品，所以貴貴都肯搶；而家唔同啦，你見內地遊容嚟香港就知，少到名店買野，多在街頭影相然後放上小紅書；可以咁講，因為窮左，精神文明上左另一個層次，唔再以名牌搶風頭，而以網絡人氣奪焦點。內地人特別年責人，喜好結構已改，不滯於名牌，亦無錢搶名牌，咁你做內地高端市場，未來十年，難做！

而家既市場氣氛，係乜野都講平，乜野都講實際，任何扮高檔或真高檔既產品，死得！