昔日Apple 今日Nvidia

資金流向令美股在升，特別是科技股，而我們Telegram 群組的愛股：NVIDIA， 已升到接近每股600元美金，舊生們心大心細，唔知入唔入好，怕接火棒。

從大勢而言，資金先剛從加密貨幣流出，照計沒理由這麼快又重回舊地，除非大戶感到美股炒唔上，但都起碼要做翻幾星期勢頭，睇下做唔做得起先。

如果美股炒得起，資金會進一步由加密貨幣度撤出，咁比特幣下試到28000都得；老實講，大戶點會輕易放過45000美元左右高位接比特幣貨的人，唔拖翻你半年九個月，同質到一個極低水位，你點會肯蝕賣！

而且美聯儲今年加息機會微，但減息都唔駛旨意多，減完會好快加返，叫做應酬下市場，回應下大眾既呼聲，所以銀根短期都可能鬆少少，暫時資金在美股，美股的升勢只會更猛。

個別股而言，我地群組鍾愛老黃間NVIDIA ，而家升近600美元，舊生而家買入驚接火棒；就當你呢浪接左火捧哩，咁呢枝火棒真唔怕接，揸一排，都唔慌耐，實有人接力，我認為仲係成群人蜂湧嚟搶接力𠻹。人工智能是當下與未來十年的實用科技，Nvidia 真係有排升，升完拆細，拆完又升過，又再拆，玩足十年，我好耐之前講過，Nvidia 就係十年前的蘋果，將會升到你唔信！

而家Nivida 部Lift 先喺三樓，你咁快就畏高，你係咪唔搭得升降機！？  

咁你可以咬住蘋果行嗰條好鬼靜既樓梯既，但小心，喬布斯係你後面！