日遊與北上，咁樣落去，香港經濟仲有得剩！

如果你有留意，呢幾日假期，身邊既朋友多係上左深圳或廣州玩，佢地既意見係：「香港d野偏貴，商場又千篇一律，無野抵食同好玩。」

咁真唔掂，我地長假就去日本；短假就北上，咁呢個城市既食肆商店點算？經濟點走落去？！

有日，呢個城市既宜居程度，會唔會被深圳同廣州比左下去，若真係咁，香港乜野local 生意都無可為了；樓市，更加永不翻身。

當下香港既經濟好怪，大街小巷有好多吉鋪，商場人流極低，經濟似極不景氣，但失業率就好低，何解？因為根本好多香港人唔係受僱於純本土公司，大多都跟內地企業有一定連繫，佢地甚至在內地工作，身份係港人，但工作就喺內地，計就業率就喺香港，所以香港人仍有野做，但與本土經濟無關。

高鐵的出現，更加速了呢個方面既地域流動性。

真嘛！若內地有朝一日可用google ，以內地物價（包括樓價）既便宜，我都搬入去內地住！食住都平，又多樣化！點頂得住誘惑！

香港經濟當下最大的問題，就係滯脹！D野貴得嚟質素又唔成正比！喺日本吃二百蚊壽司，新鮮程度你喺香港肯比千多蚊食都未必食到，比我就香港省食然係一次過去日本食鑊金既，仲有數圍。所以，d明星喺香港開乜壽司店，好無謂，大多好快虧本結業收場。

言猶在耳，地鐵又話想加價，車費補貼又就取消，真係來回一次地鐵夠食一個大家樂早餐！香港的交通費已經追得上5.2箅下既日本！

一言以蔽之，d野唔平落嚟，香港經濟好難彈翻上去！遲d連內地人都覺香港d野貴而唔南下落嚟玩，我地就真絕望。