日本股票既「第三種」回報

投資股票嘅目的不外乎低買高賣賺capital gain又或者長揸收股息，但日本有多一樣嘢叫「株主優待」。現時有超過1500間上市公司實行呢個制度，佢哋會贈送一啲自家產品、地方特產、食品、日用品又或者優惠劵，現金券等等去回饋股東。

例如今日提過嘅REITs ORIX(8591) ，佢哋嘅株主優待都好受歡迎！佢哋每半年會寄張股東咭比你，可在全國某些食肆、酒店、休閒設施等享有優惠；另外股東每年仲會收到本禮品目錄，你可在裡面挑選一樣自己想要的禮品，加埋股息，收益率達3.7%。不過好可惜ORIX下年起會廢除株主優待制度。

其實日本係有好多人貪呢啲株主優待而買某隻股票，可能呢啲就係買股票嘅樂趣之一吧！