日本的「選擇性週休3日制度」有助經濟復甦
2023 年 6 月 17 日 | 日本研究
日本既人口老化一向係問題，其中帶泥既就係勞動力不足，特別係女性，因為佢地要湊仔女，根本應付唔到一星期五日既工作。
隨著日本經濟開始復甦，所需既勞動力亦上升，如果社會配合唔上，就會錯過復甦既機會；你知，日本唔似我地香港呢個城市，一方面有工人姐姐，另一方面有可輸入內地既勞工。
日本最近推行咗「選擇性週休3日制度」，呢個制度有三種形式比企業自由選擇（當然亦可以不採用）：
第一種返工日數減少，人工減少；
第二種返工日數減少，人工不變；
第三種人工同返工日數不變，工時減少。
大公司如東芝嘅國內工廠都已經實行緊呢種玩法。
呢個制度對日本婦女出來工作有吸引力，因為一直以嚟全職既界定都係每週五日工作，d家庭主婦好想全職，因為全職比兼職以時薪計高好多（可以一倍），福利又多，奈何家庭主婦因照顧家庭無法一週做五日，而家任擇四日，彈性高好多，會大大釋放呢方面既勞動力。
個人認為，日本三十年經濟不振，就係制度太死（我曾經喺放行李方面比個日本的士佬激到暈左），而家佢地好似開左竅，唔再「死古古」，曉變通啦，對經濟重振雄風又行近一步。
相關日文報導連結