日本人騙完可以再騙，好好騙！
2023 年 6 月 20 日 | 日本研究
佐賀市一名50多歲的男子在交友網站分別認識兩名自稱是外國人的女性，被騙取合共130萬日元。
據警方了解，今年2月佐賀市一名50多歲男子喺交友網站上認識咗一位自稱係中國人嘅女子，該女子稱鍾意對方，並想與事主一齊開網店，遂以開業費用為由騙取事主約40萬元現金。
事件仲未完結！一個星期後喺同一個交友網站上，事主認識一位自稱係印尼人嘅女子，該女子稱想與事主同居並夾份投資，需要資金，之後順利騙取事主約93萬元。
類似的詐騙手法已經見怪不怪，但呢條友咁短時間內中2次招實屬罕有的奇才！
不過，重有單，輪廻咁被騙7次！
16日晚上9點左右，岐阜縣端島市一名60多歲嘅女性上班族喺家中使用電腦時屏幕上顯示出「感染病毒」的信息。 當該名女子撥通信息上顯示的號碼時，一名自稱係微軟員工的男人用唔喊唔淡嘅日文講「請購買安全軟件，一次性係五萬日元，終身保証版係十萬日元。」於是事主於羽島市一家便利店購買價值10萬日元的電子貨幣，並將代碼編號輸入喺指定表格內。
不久，男子打電話比事主話「輸入錯誤，無法完成手續，請重新購買電子貨幣。」事主再次購買電子貨幣並輸入號碼。然後再loop咗幾次以上對話，最終事主共購買咗7次價值157萬日元的電子貨幣！後來事主終於起疑並詢問住在愛知縣的兒子，始發現被騙。
照咁睇，日本人應該收到既scam 訊息，每日平均要比我地香港人更多，因為除左易呃，仲可以呃完再呃！
相關日文報導：