日本人真係有鋪舔野癮！

2023 年 6 月 19 日 | 日本研究

今年3月8日，無業且沒有固定居所的吉野凌雅（21 歲）與另外兩名分別19歲男子與15歲少女因在名古屋くら寿司（Kurasushi)拍攝滋擾影片而被愛知縣警察以涉嫌業務妨害罪逮捕。

影片中被告吉野用手拎起運送帶上嘅壽司進食，又笑住咁用嘴舔著醬油瓶。事後佢雖然拍片道歉，但依然不改嬉皮笑臉的態度，完全沒有反省的意思。

本月16日，他又因誘拐一名15歲少女而被追加起訴。據報導，被告於去年12月誘拐該名15歲少女從東京到名古屋，聲稱可以喺名古屋靠援交嚟謀生，並一直支配她至今年3月。

據知情人士透露，被告曾表示想做扯皮條，佢嘅夢想係靠不同少女援交賺到嘅錢嚟生活！但現實嘅佢生活潦倒，經常喺路上勾搭少女，冇錢就向女性乞討1、200円，然後夜晚就同人share, 1人1000円晚嘅商務洒店房。到山窮水盡嘅時候佢會去牛郎店試工幾日，以賺取1日5000円的收入。歌舞伎町有300幾間牛郎店，佢就輾轉到不同牛郎店試工賺錢糊口。

據『週刊女性PRIME』早前爆料，被告屋企原來好有錢，佢阿爸係某公司嘅高層，家住豪宅。

記者曾聯絡到疑似被告阿爸，對方承認有個叫凌雅嘅仔，與事件中嘅被告同名同姓同齡，但係係另一個人咁話。似乎佢阿爸怕被拖累要即時劃清界線。之後記者曾多次致電但已冇人接聽。

今次主角真實姓名樣貌已經公開咗，屋企人睇嚟又已唾棄佢，而佢亦將面臨巨額賠償，睇嚟佢會為今次事件負出沉重代價，且看佢如何面對今後人生。

但點都好，上次條靚仔嗰單，加埋呢單，我日旅真有d陰影，d野有無比人舔過架！？