日本人在日經指數上展顯儍氣！

日本人集體意志強，個人而言就儍得很，常言道：一個日本人係一條蟲，但三個日本人就變左一條龍。因為佢地無我地中國人心思咁「慎密」，只要有足夠既鼓動，合作時就能全心全意，毫無保留。

但呢份集體意志，近日表現喺日經指數度，我覺得有d搞笑。

日本人成三十年無經歷過近日咁動感既日經指數，見到係咁升，佢地完全唔知道而家係日經牛市第一期，仍覺熊出沒要常注意，結果集體「估爆」日經指數，搞到d日本証券公司要「買爆實貨」返嚟做對沖，咁就進一步推高日經指數，挾死左d日本股民。

如無意外，喺下次，日本人的集體情緒就會「買爆」日經指數，到時券商又拋售翻之前d實股，又再反方向挾死日本d股民。

如是者，反反覆覆三次，日本既集體意志先會「開竅」，終於明白。

唔係自己身為中國人就讚我地既民族，但呢方面的「老到」，日本人真唔夠我地中國人嚟，中國人狡桀好多。

其實，日本人玩股票既經驗仲好低智，咁亦都可以理解，1990年被美資沽死左日經後，日經指數浮浮沉沉，而家先復甦，日本人既投資意識要追加過去空白左既三十年，要一段時間，而喺呢段時間日本人要交好多學費比外來資金。

特別係由畢非特所導引而來既美資。

我相信，美資會在未來十多年重演一次1990年既日經大屠宰。