日央行加息唔係令日元升值咩？點解匯價仲跌左！
2023 年 8 月 8 日 | 千變經濟
有舊生讀到今早既日系報導，有狐疑，不明白為何日本央行想加息，但日元還可在低位，甚至貶值中，現時匯價係5算4幾。
不是一國既加息，其貨幣該升值嗎？
中國春秋先哲賢人中，我認為最聰明係莊子，故勿論微積分佢已有一個雛型概念，喺佢篇逍遙遊一文中（我係講全篇，唔係DSE 嗰兩段），佢已經指出了「相對」既重要！
無錯，一切事物，都係講相對，講「relative to 」。
即使日本央行加息半厘，相對美國與及其他國家，加幅其實好細，日本息口仲好低，根本無吸引力，吸引唔到外來資金買日元，所以日元不會升，仍可受日本央行的充份調控，控在自己想要既低水平。
打個比喩，過去十年的量寛，全球低息，日本要撐住已沉淪既經濟，就要更加低息，低到負利率；換言之，環球低息就好似一隻如來巨掌一樣，死壓著日本，令佢郁不得哥哥，經濟動彈不得足足十幾年。
而家美國帶頭加息，仲係狂加，啫係隻巨掌鬆綁，日本終於有郁動既可能，可以提高返個利率，常態返，唔駛陰公到借錢比人仲要倒貼。
有埋呢個背景，你睇今朝篇文就會明更多。
相關文章 :