日元穿5算，似便宜實非便宜的日遊。

日元跌穿5算，喜歡遊日的我們，該開心吧！好像遊日便宜了，但其實，如果我們細心算算，根本無乜點平！

飛機票價、穿梭內地的Pass、所購物的衣履，全部都貴曬！我一直也有做日本時裝代購的，各品牌的售價近年已升了一個開，原本5000円既，而家要9000円左右，可以講完全抵銷晒日元貶值的幅度；至於d Pass 價格，升得仲勁，足足一倍！好貴！這是經濟學最實用的其中一條理論———購買力同價說，某國對外的匯價跌，國內的物格水平就要升，此消彼長，其實無乜點變。我地遊日，而家只會覺食嗰方面仍相宜一點，但之前已有報導，松屋既牛肉飯都要勁加價。

日本容讓日元持續貶值，但國內物價水平卻升回幾近相同幅度，對日本自身有著數嗎！有！絕對可促進經濟蓬勃上來！因為物價升絕不是所有價格也同時間同幅度上升，有參差，起碼我地見到食方面未完全跟上，而更跟唔上既就係日本國內既人工。呢個好關鍵，對外資嚟講，特別美資，就會覺得日本d野真係超平，樂於進入做實質投資，而且趨勢已成，特別美科技大企，紛紛進駐日本，推動日本經濟繁榮。

換言之，日元的貶值，日本正在打造出一個像我們中國四十年前改革開放早期的經濟情態：超便宜的人力資源可資外商利用。

日本政府已見呢個平日元所帶嚟既好處，所以，口雖說要干預日元，要其升值，但卻始終沒有實際行動。真係除非美國政府施壓，否則，日央行絕不出手提升日元價格。

但美國正享用「便宜日本」中，仲未夠喉，未係時候施壓。

更何況美國樂見其他亞洲國家也跟隨日本鬥貶值，來一個亞洲貨幣戰爭，大家鬥平！咁美國又win，成功地以廉價掠奪亞洲資源，完成整個獵食週期。

但亞洲貨幣戰爭，隨時會引起亞洲各國金融不穩定，這點，我們必須要當心。