新鴻基雷霆賣樓果然夠高瞻遠矚 ——— 連傳媒報導都被他套住！

發展商喺樓市低迷期賣樓，最頭痛係同一屋苑後期賣既必定平過前期，早期賣家見後期推既單位仲平，情緒上固然不好，實際上又怕同銀行上會時估唔足價，咁就麻煩透頂！結果呢？撻訂個案上升，發展商又要處理過嗰d盤同追差價，都相當煩氣。

呢種進退兩難的格局下，發展商賣樓技巧的高低，就好明顯，譬如成個賣樓週期既佈局，市場情緒同媒體報導的導引（甚至誤導）等等，都好講經驗。新鴻基的雷霆，呢方面的而且確好有本領。

大家從好多報導都知道，新鴻基屯門Novoland 前幾期所推既單位，位置同景觀都好d既，所以收貴d價錢係好合理，所以今日星期六開賣既呢期，賣價低d亦都好合理。

但問題係，景觀差就要平成幾？一向作法都係便宜幾點子嘛！所以，發展商係順呢個思路劈價，以達兩全其美。

點兩全其美？通常網上D報導大概會咁講：「屯門Novoland 今期雖然平左，但要留意，所賣單位既座向同景觀較差……」表面上，好似話比準賣家聽，其實發展商唔係賣得好平gar jar !」但對發展商嚟講，潛台詞係同前幾期買家講：「其實我地無乜點平㗎！」心理上真係有一定程度可安撫前期買家，始終個原因夠實在，就算發展商為客人同銀行力爭估足值，都易d吖！

當然，今日星期六Novoland 呢期開賣時，實際上賣價係真劈得深既，加上發展商隨時可透過地產經紀回贈（未必回佣，可能補送傢俬），無平成幾就呃你既。

所以，我估今日新鴻基賣呢個盤應該賣得唔差，有七至八成既貨會走到。

賣樓賣到如此兩全其美，雷霆銷售技巧的確不凡！