新地Novo Land呢招，除笨有精！

悶了差不多兩個月既樓市，發展商終於按奈不住，紛紛推盤發售，而新鴻基的Novo Land ，際出奇招，將明明打算要減價既部份，變左做半年後樓市若跌價時既包底數目，真係除笨有精！

唔係咩！明明發展商而家要劈既價，而家唔駛劈，比個憧憬你，半年內真係跌我先比翻你，而家做定期息口咁高，咁多組客，舊錢發展商攞嚟收翻一季息都唔知幾和味！

喺而家樓市顯著跌勢下，發展商要成功賣樓，定價必定要計埋嚟緊半年既跌勢，咁開個價先有吸引力；你諗諗，如果個發展商開既價你預期一買就跌，你點會買！你一定計埋嚟緊嗰幾季既跌幅（因為可預計到）；好啦！而家發展商唔肯減比你，攞呢個跌幅同你對賭，賭輸先肯比，佢就精！而你明明揸上簽等發展商肯減先買既，而家你居然落踏同佢賭，仲未必贏，即係未必收返減價既幅度，你有無咁笨柒呀！

再者，你輸既機會非常高，發展商搵既指數，係受歡迎屋苑既二手價，大家都知而家樓市有個怪現象，就係二手樓價有強烈剛性，因為好多業主間物業已經full paid 左，又唔等錢洗，唔多肯減，而相對發展商，後者減既意願極高，咁你發展商應該搵個反映一手樓價既指數先合理嘛，你係賣新樓bor ，應該搵d新樓比較嘛，好鬼矛！

如果你真係買左，半年後又真係有得收返一舊錢，唔好開心，呢舊錢根本就唔駛比，你仲蝕左息添；如果收得好少，你直情比人搵左笨！

真係咪柒撚懵食甜筒啦！