掌握每波科技發展既三步曲，你就懂投資。

留意每一波科技發展既路徑，我地大有可能推斷出邊類型公司喺未來日子會當炒。

概括而言，電腦科技經歷了三波既發展：

1）個人電腦

2）流動科技

3）人工智能

每一波發展都會先後成就以下三類公司，如果當中某公司能成為市場壟斷，有護城河，就可以做到好大！

1）半導體（晶片）

2）基礎設施裝置

3）軟體應用

就以首波個人電腦發展而言，主導半導體市場該是intel 既CPU，所以上世記八九十年代，呢間公司可謂一時無兩；而基礎設施裝置，即裝嶔成整部電腦，則有好多公司，好似蘋果、三星、Sony 、HP 等等，因為對手多，難以獨大；而軟件服務，微軟所開發的Windows 同佢既相關軟件最被廣泛使用，幾近壟斷，所以造就了Bill Gates 多年成為全球首富；要注意我呢度所指既軟件應用，涵蓋埋網絡所需的軟硬體。

而第二波既流動科技發展，半導體公司有高通和ARM ，而基礎設施裝置有蘋果、三星、小米、索尼和榮耀等等既手機，至於軟件應用，當然係蘋果既IOS 同Google 既Android 兩大應用平台。

我地可以察覺到，只要某公司能捉緊某波科技發展而趕緊開發，一旦成為壟斷，就會成為全球數一數二的超級大企業。

咁今回人工智能呢一波，情況如何呢？

半導體以GPU 為主角，Nvidia、AMD、同Supermicro 係主要既受惠者。要留意既係，當下呢d半導體公司正正係近日既熱炒焦點。

上兩波既基礎設施裝置分別實現喺我地家中既電腦同口袋裏既手提電話，但由於人工智能所需既算力，要使用者自建硬體平台實在過於昂貴，所以大多使用雲端服務，咁AWS、Google 、Azure、Oracle 同IBM 等等就係受惠者，但競爭太激烈，好難出現獨霸市場既企業。

至於人工智能既軟件服務就係嗰d語言模型，好似ChatGPT 同OpenAI，要注意既係，由於數據安全問題，好多公司都偏向呢d語言模型喺自己公司環境中工作，反而唔會追求過於廣泛使用既語言模型，亦即佢地想要既係「客製化AI」，而有做呢d既公司有NVIDIA 、Anthropic、Cohere、Stability AI 等等，呢方面能否出現壟斷，就好睇間公司的軟件開發能力。

有左以上呢個框架，我地投資科技公司，就有明確既方向感，要進一步探索都唔難。