投資美股能提升你心理質素

美股有樣好，可以用「生活」去分析，唔駛用埋嗰d我極厭惡既技術分析，事至今日，我直情覺得技術分析已極過時，不合事宜。

美股，基本分析已足夠，你當美股d公司係一盤生意咁睇，已經可以好準確咁搵到d潛力股，都幾有滿足感架，考你眼光！

譬如十年前既蘋果，仲未開始針對內地市場，旗艦機連金色都未有，你就知佢有排玩，有排賺，股價爆升潛力當然非常高。而家，蘋果產品在中國市場已趨飽和，且內地經濟出現顯著的放緩，所以我對蘋果股價不看好。

又好似Tesla，隨了電動車代步已是全球趨勢外，更重要的是Tesla 既充電站網絡，賺錢潛力大，將來全面開放使用時所收的費用，真係長搵長有，我認為呢個係Tesla 未來股價爆升既最重要因素。

投資美股，你既心態會健康好多，因為你會發覺你既識見同投資美股既能力成正比，咁你長知識個人都已經好充實，而且仲可以賺錢，成個人都正能量左好多。

至於投資港股，你有覺得愈買愈頹？港股已經無基本分析可言，係睇內地國策。過往「悶聲發大財」，我地仲可以由內地銀根既鬆緊推測下港股走勢；而家係政治市，波濤詭譎，難以推測，你等港股升，真有望天打卦既無奈，唔頹有鬼！

我遲d可能連港股telegram 群組都想摺埋，免得佢既頹氣傳染左落其他groups 到。

講笑，仲有好多舊生靠港股收息，我點可以咁片面！