投資唔好有偏見，唔好睇得咁死！

昨天聯儲局說還要加息，我都說過一百次一千次了，不要信坊間所說甚麼美息該加夠，聯儲局係非加到6釐心不息；更何況美國經濟已走出衰退陰霾，加多幾次息再強化一下經濟體格，是務實做法。

預期美國加息到6釐，開始是市場的共識了，呢幾日就會price in 呢個預期，美股昨晚已下調；明顯地，美國加息對本土經濟只帶來短暫波動，殺傷力不大；反之，是入市時機，有稍稍平d既科技股可入手。

但對外圍經濟就唔係咁講。

對亞洲而言，幾乎所有國家都「住能過剩」，而樓市低迷又拖累經濟；於是，美國加息帶動全球息口均上升，真係無得其他國家唔升，除非係北韓咁完全封閉，否則，資金上善若水，點都會向高息地區流去，某地區若唔想資金走，即使加強外匯管制，都一定要加息，否則，匯價長期受大壓。

尤其係我地香港，聯繫匯率下首當其衝，因為可以不跟美加息的空間已用盡，唔到香港銀行唔加息，按揭利率最終都要見4釐，下半年樓價受壓力度必定加大。

加息，對美國只係帶嚟股市（與及比特幣再與及STX）的輕度調整，美股平左，我地可趁勢即入市；但對其他國家嚟講，係深度經濟調整，係成個實體經濟乜都平，特別樓市，我地可以作出長期既入市部署。

有舊生問我，既然香港樓市無可為，阿Sir 你留意咁多做乜！？呢條真係一條好問題！

天下資產，無永不買，只在價錢。我地做投資，千其唔好有政治偏見，我係投資人，唔係政客！D野平（price in 埋政治因素），就可以考慮，你試下一個三房有套廁賣320萬，d 納米樓賣70萬，你唔諗！？你可能話第日賺既錢走唔出嗰bor！咪賺於斯，用於斯咯！都話我無偏見咯！香港無鲍魚食咩！？

港股都係，恆指跌到12000點，我就會諗。

只係實體經濟既投資，要先長期做好功課，即係我家陣做緊既野！