我預測未來四個月的九龍樓市景况

昨天親海駅劈價一Q清袋，不是深水炸彈，而是試清了當下樓市狀況，其他發展商要多謝誠哥，他真係拋「磚」引玉，引出以下寶貴訊息：

1）是我們經常說了，任何劣貿樓也有價，只要肯減，就有人買；現在清楚了，納米樓只要開價低過300萬，有人肯接貨，我相信其他發展商打後都會出呢d價走貨；納米單位對佢地泥講真係尾大不掉，恨不即時切掉，平手離場套現由頭玩起好起。

可憐過去幾年買左納米樓既，佢地當日購入價同三百萬既差額，絕對係資本減值，就箅自住都無心機。

2）而家市場清楚左，九龍新樓均價喺15000，如果其他發展商唔急走貨，同較優質，開價18000尚可，但要去貨，16500均價最理想，我相信長實啓德嗰盤均價會喺16500-17500之間；而個別細發展商賣單枝既，均價要跌到13500先有人接！

過往用2萬蚊或以上買樓既，係有d肉赤咯！未來有一段好長日子，九龍新樓都好難再兩萬賣得出！

3）九龍二手樓市，就一定極慘淡，繼續有價無市，喺其他發展商繼續低價推盤之下，今年所剩四個月，廿年樓齢左右既，樓價要穿10000均價。

好坦白，你而家擁有物業，躺著也要減值，真有d唔爽！

以上分析，只有效於未來4個月，如果香港下半年實體經濟再差，明年又係另一個價了。

劈價係治療香港既良藥，但代價好大。