我絕不看好BRC20，包括ordi！

喺比特幣區塊鏈鑄造代幣同喺以太坊鑄造好唔同，後者係使用智能合約(代幣標準ERC20）鑄成，而前者則喺比特幣鏈上儲存腳本文件，所謂代幣標準BRC20，使用該文件將代幣與特定既sat（比特幣既最小單位）關聯一起。

其實，底層做法只不過係Ordinals NFT既變種，原理上，每枚Ordinals NFT 係獨一無二，我deploy 左你就無得mint 翻相同既野；但BRC20 就唔同，我deploy 左你可以mint 翻相同既野，亦即所謂可替代。

若有興趣部署，大家可download 個Taproot 既wallets，典型有Unisat，你就可以見到上圖咁樣既野，你揀deploy，然後「玩填充」，跟住比埋gas 錢，就部署左一隻BRC 代幣，仲易過以太坊嗰邊用智能合約寫。

但同以太坊代幣有個幾大分別，如果我喺以太坊部署同鑄造代幣，你係無可能鑄造我嗰個隻幣既，即係代幣分配權全喺我手，「街貨」有幾多，由我操控；但BRC20 代幣就唔同，我deploy 完，只要未到上限，你可以mint ，所以上圖頂部有mint 位揀，供應的分配並唔係由我操控，大家可以鬥快mint！同我搶貨！

BRC20 之所以被用戶追捧，正正就係BRC20 代幣呢種發行方式比較公正，所有鑄造用戶一視同仁，項目方無法預留同增發，即使係我發行，想要獲得發行既BRC20 代幣，都要同普通用戶一樣開始鑄造時鑄造，真真正正做到人人有書讀，個個有山拜的公平境界，大家都係生態內既平等參與者。

但話雖如此，除了第一個 ordi 代幣跟Ordinals 產業掛鈎外，叫做有D意義！其他市值頭幾名都係d Meme 幣，即係社群幣，價值虛無飄渺，例子有MEME、PEPE、PIZA 等等，呢d代幣都係炒作為主，背後並無任何實際價值。

就算最大市值既ordi ，代幣持有者都係得嗰五六千人，意味目前 BRC20 玩家人數十分小眾，貨源極易歸邊，流動性勁差，甚至大部分只有價，無市！

所以，當下BRC20 代幣只係一個「幣」，並無任何實際應用，好廢！