我真係好懷疑呢d撻訂交易咯！

長沙灣「睿峰」於本月2號星期二有1宗撻訂個案，單位為東翼12樓G室，實用面積408方呎，兩房間隔。據成交紀錄冊顯示，單位原於去年4月售出，以超高呎價24,300元交易，成交價是991.5萬元，買家採用360天現金優惠付款計劃入市，享代繳印花稅優惠，而家撻訂損失金額約79元。

我一直都懷疑呢D交易係咪真係實客做既，以長沙灣地段，舊年都賣成24390一呎？坦白講，發展商又唔係上市公司，數就自己做既，自己人撻左訂，唔追差價都無問題，d錢都係左手交右手。

所以，成日聽到發展商開盤時有客人斥資乜又斥資物，又話買一打半打單位，作收租用喎！我心諗，真唔真架？租金回報好高咩！我啱啱先聽到唔知邊間中資銀行定期有5至6釐息 !

當然，呢d交易的底蘊係點，係咪搵人幫手做勢，真係不得而知；我地做買家既，唯有自求多福，唔好耳仔軟，比人講兩講就信以為真，以為係事實。