我對投資Bitcoin Ordinals NFT 同 BRC 20 代幣有戒心

近半年Bitcoin Ordinals NFT 同 BRC 20 代幣，成為加密貨幣市場既投資焦點，一度成為炒賣風潮，熱度至今亦持續未減，但我對兩者有一定程度的戒心。

兩者之所以出現，係因為2021年年底Bitcoin 既Taproot 升級出現左一個「漏洞」，就係喺隔離見證既腳本多簽位置，有個空間可存放額外數據，於是Bitcoin Ordinals 就喺呢度放NFT 銘文，而BRC 2.0 代幣既資料都係咁做。

於是，在過去熱炒呢兩隻野過程中，問題就嚟，因為無論Bitcoin NFT 或 BRC 20代幣的交易，都要上Bitcoin 條主錬，咁佢既交易頻繁就會造成錬上交通擠塞，拖慢左比特幣既正常交易，你想快就要比高d礦工費。

所以，Bitcoin Ordinals 同BRC 20 既出現，比特幣既礦工好開心，因為收入多左；但卻引起比特幣系統維護成員既不滿，認為咁樣發展落去，比特幣主錬會長期交通擠塞，常態交易在持續受阻下，直接影響比特幣的健康生態發展。

明顯地，比特幣維護成員唔太喜歡人攪條核心主錬，你整條側錬「痴」埋去就可以。

所以，我擔心維護團隊會更改Taproot 升級，雖則礦工支唔支持呢個改動係關鍵，但君子不立危牆之下，呢個世界大把野可以投資，唔駛對ordinals NFT 同BRC 20 咁有情意結bor!