我如何看這間具爭議性的加密貨幣交易所

過去幾年，香港出現左一間極具爭議性的交易所，我有好多舊生都說呢間交易所係scam，呢方面我真有些說話想說。

首先，利申一下，我跟這交易所從未接觸過，亦沒有興趣接觸，我一向對所有加密貨幣交易所都毫無好感，不會信任，所以，即使透過這些交易所買入比特幣，亦不會「過夜」，買入後便隨即過回自己錢包中，要有自己的「私鑰」保護的戶口；至於那些交易所提供既甚麽「質押」，動輙十多個百分點回報，痴線！邊有可能！我有得搶咩！以當下環球經濟咁低迷，真係做乜生意我可以有咁高回報！所以，不只呢間交易所既質押，我係間間既質押都唔會信！而呢間既質押回報重特別高，之前有個甚麼環型套利，可以日賺年利息34%，嘩！咁大舊「經濟租」，居然無人爭走，咁經濟學話我地知，呢個回報一定包含好高既風險補貼，就係血本無歸。雷曼20%已夠令本金歸零，何況34%！

一個中心化組織，而居然無王管，兼且重係處理金融有關係既事務，就算最初攪交易所時初心唔係想扼人，日復一日，d比特幣以太幣其他有價既代幣，花碌碌喺你交易所度，比我都見獵心起，想挪用一下公款，挪下挪下就會愈嚟愈大膽，好似FTX咁。

其實，好多識買加密貨幣既人都會好似我咁，喺交易所買完就調回到自己錢包中，咁我做交易所都想d客留d資產耐d喺我交易所度，質押正正係一種手段達到呢個目的，但咁高息，就好容易淪為龐氏騙局，睇下音樂椅d音樂幾時停。

呢間交易所標榜取得多國營運金融的許可證，但我想問如果呢間交易所扼香港人，呢d國家受理？我真唔識，照理嗰d牌照只保護該國的市民，我地香港人受騙該不會受理，所以佢有十鳩幾個其他國家牌都同我地無關係。同埋，既然咁多牌，喺外國應該做得好響朶，但似乎佢無乜交易所既國際排名，點解呢？

而家香港1/6 開始要有牌先做到，又睇下佢拎唔拎到，咁佢拎到都無話可說，佢係堅既！

可能因為呢間交易所有好多網紅推介，而呢d網紅本身都具爭議性，以致佢地推介既野，都頗受大家所質疑；反而呢方面，我無偏見，唔會因為佢地推介而對呢間交易所印象特別不好。

但話得說回頭，呢間交易所點解無一個代表公司既Icon 人物行出嚟提升透明度呢！binance 都有鵬仔吖， 佢只係話有隊團隊，但團隊d人身份都含含糊糊咁，最離譜，又唔係全部日本人，又無個牌係日本發既，點解最初以日本交易所自居呢？真係令人生疑，據聞而家又整左個中文名，好相近一間內地金融企業的名字，點解要咁呢！

1/6將近，我見到相關網紅都好落力捽「慶」呢間交易所。

咁急咁趕做乜！既然咁有部署要在香港攞牌，1/6 有牌先再谷，咪真係大平反咯！

比我係呢間公司既老闆，一定好努力爭取牌照，因為爭取到，自己隻代幣JPX實升到阿媽都唔認得！

但邊個係老闆，你要攞牌，你要交人比港府架bor! 

這間公司，最屌詭係：究竟邊個係香港負責人？

呢個世界d野好簡單既，有鑊氣，你交個人出泥上身就得！我同大型商場租個舖，公司租，我個人都要做personal guarantor 啦，大大間交易所，重牽涉錢銀，無理由無人交出嚟！

網紅唔可以當係吖嘛！