我地今日嗰group 中曬Murphy law 所講既現象

有一條關於人生哲理既定律叫Murphy Law ，大概意思係：人好奇怪既，衡量一個情況，會想到最惡劣的後果，然後你會有意無意咁朝住呢個方向去，明明情況根本無咁惡劣，但你會自找最糟糕的情況嚟實現。

今日，我地telegram 群組，就有呢種現象出現。

事緣今日6月1日，港府開始監管加密貨幣交易所，但法規好多野仲未清晰，仍在試點中；但舊生們會擔心用開既Wirex 同Binance 仲用唔用得呢？始終無得用買Bitcoin 會好唔方便，大家都唔希望係咁。

Murphy Law 所講既認知障礙就來了！大家唔想呢件事發生，但每一步所諗所做既，都成就緊呢個結果。

於是，今早，大家在group內post 左d 今日Wirex 同 binance 既交易失敗紀錄出嚟。

我覺得奇怪，明明港府都話有一年零售試行期，再加上政府監管既方向係有對盤既交易平台同會替客保管虛擬資產既，照理Wirex 係英國虛擬銀行，唔屬呢一類，而Binance 跟內地友好（否則美國對佢點會咁窮追猛打），又該不用急到要今日就block 香港人既交易。

於是，我自已試試Wirex 交易，無問題bor! 買到比特幣bor! 而亦在群組內陸續有學生都話買到，喺Binance  都可以！ 

虛驚一場，但當中看到人心虛怯時，我地真會朝住最悲觀既結果發展下去；若集體一齊咁諗，一齊發功，咁就真係會出現呢個最壞結果！

事物既發展有所謂唯心論，就係呢個意思，群眾的主觀意志，一齊行動，絕對可以扭轉客觀形勢。

但一個人既意志絕對不能，所以，我地處事，唔好悲觀到影響自己的客觀認知能力，誤判形勢，咁唔失敗都比自己搞到失敗。