我喜歡住舊樓

除非政府禁google，如果唔係我完全無移居既念頭，只係會digital nomad ，咁香港都要有個棲身之所，咁如果樓夠平，買入也是相宜的選擇。

不過，我只會對舊大型屋苑有興趣，譬如美孚或淘大等等，對於近廿幾年起既新樓，我真唔會買，原因有五：

1）買新樓唔多唔少有虛榮，呢d係年青人專享，我老啦，虛榮唔實際；真架！買貴樓有時就因為買嗰份虛榮，我有舊生試過有物品要交收，對家話自己因為住啓德唔肯落地鐵交收，死未！地段，從來都係身份的象徵，但有批業主，虛榮心明顯錯付給啓德，呢塊地，已經不存在虛榮了。

2）舊樓d則，即使跟新樓同一個實用面積，都大d既，我都唔知點解，總之就多一排地板可以鋪啦，新樓就放張床都硬係爭d爭d咁，好唔實用！

3）管理費！新樓既管理費可以係舊樓既三倍，即係美孚新邨兩房單位每月$800蚊管理費，Henley Park 同size 就要$2400，每月交$800就輕鬆啫，$2400就真係有負擔感啦！

4）我既然會digital nomad ，我搵個咁新咁貴既地方嚟住做乜，呢頭喺日本拍完AV返嚟可能又走左去纽西蘭放羊，香港既單位只係叫做有個心靈寄託的自住地方，可永久放d野；我更加用唔著新樓嗰d會所設施，咁做乜要比貴造價同月月白交嗰兩倍多管理費。

5）2047後我相信要比貴d地租，舊樓照理比少d；雖然，我都唔知仲喺唔喺呢個空間到生活。

所以，我配唔起住新樓。