我唔會輕率入坑！

昨天比特幣突然抽升2000多美元，這種升升跌跌兩三千點，其實對比特幣嚟講相當平常，加上仲係轉月，挾期貨淡倉絕對有可能，真係沒甚麽大不了！

但有位舊生見這變化，問怎部署？我真係覺得莫明奇妙….. 不過，我相信他也是開玩笑而已，都三十多歲人咯，沒理由還這麽孩子氣。

投資像打杖，你就是將軍，對大勢對地形必有睇法，想通了，製定了master plan ，就不會因一兩場小杖被敵方佔了點點上風就自亂陣腳，亦不會貪小勝而狂攻猛打，必定會依既定戰略行事，除非大格局出了非你計算內之大事，否則小不忍則亂大謀，而且必定長輸長有。戰國末期秦國有位名將叫白起，善於借助各種地形來打杖，不是水淹楚國鄢城，就是盆地坑趙軍，這種借助天時地利的戰略，心必要定，一兩場小杖，輸了無相干，甚至是請君入甕的誘敵之策。

於我而言，既然認定了比特幣走勢是向下，我就不會因一些小升小跌所「感動」，除非「大勢」有變，我心中當下有兩個大勢：第一，美國在量縮在加息，一日美國未做第一次減息，這個大勢不變；第二，是中國的樓房過剩所導致的經濟衰退，同樣地，一日未見真正曙光，大勢依舊。

兩者均會影響美元在市場的流動性，至為關鍵。

而那些其他因素，好似挾期貨、美國SEC 批準甚麼比特幣產品也好，絕對可令比特幣短期價格上升，咁咪由得佢升咯！反正我無貨，升跌與我無關，我無理由因升嗰幾點子又入市，大佬！無貨在手，一身輕鬆，真係去旅行都覺得自己解脫些，我無謂犯賤輕率再入坑！

你有賭癮，你可能覺得入坑好過癮；但我真無賭癮，覺得入坑是大事，要事先跟自己心理輔導一番，才敢去馬！

日元5.2算呀！我plan 下去日本唔好！