咪比人鬧下咯！

2023 年 6 月 18 日 | 千語德財

自從在YouTube 發表睇法同出文表達觀點後，發覺自己真係老練左，我唔係指我既意見精闢到某個水平，而係指我EQ高左好多。

我一向有自己既睇法，既不藍，亦不黃，到而家我都唔明，點解一定要咁樣二分法；不過，我留意到，好多人都有意無意咁植入左呢種二元歸邊既諗法，不自覺地已找到自己既位置而不知，一旦人家觀點相異，就係對立既人了。

我既睇法，唔敢講係客覯評理，或以事論事，但我的而且確係咁諗，我先發表或見於我既文字中，我手寫我想嘛！但正因為咁，有時我語調會側向支持政府和中央的政策；但亦有時，我認為某些事，為政者處理得偏頗或不當，我會表示不以為然。結果，我的下場是：今天在YouTube 我會給人罵「死藍屍」，而明天又可以比另一些人話我過於排斥政府所做既事，一時間，連我自己也糊塗起來不知如何自處。

譬如，站在國家管治立場，有些事不得不以維穩為先；而且有些中央政策我是極同意的，像打壓樓房炒賣和阻上年青一代沉迷電子遊戲；但另一方面，我又會不偏幫政府，其實，港府知道嗎？很多港人都已經覺得，當下的高官只一味偏幫內地人利益，卻大大忽略居住在這城市既人之權利，普羅大眾，真的有這種感覺。

如今的社會氛圍下，只容許一條分水線，無論你站在那一邊，你也會比人閙，更何況我！？在分水線上時而跳向黃時而朝向藍，更是被罵得狗血淋頭了，左一巴時右一巴，是真正兩面都不是人。