我不贊成年青人以youtuber或網媒作終生事業

有位DSE 舊生問我，未來事業以做網媒或做youtuber ，是好選擇嗎？

我的回應是：「一萬個不可！」

年青人發展事業，最好找份工有年資計，譬如政府工、津校老師或大商業機構，由低做起，慢慢累積以年資計的身價，最實際！最穩定！

當然，任何工種也有失去工作的機會，但年青人真的不應壓青春在一些難以捉摸的演說法上，失去機會實在太高，而且代價很大。

你在網上也見很多youtubers有類近的分享，或訴苦水，說經營了很多年的account ，google 失驚無神話停你就停你，無得預！咁你仲敢壓十年青春落youtuber 到？到三十多歲時，盛年時期，一不為意就被block 了account ，跟著甚麼也沒有了，然後左appeal 右appeal ？亦未必得逞，好辛苦啫！

你打份實體工，公司辭退你，事前有三個月通知，有遣散費，又有累積左既強積金；一句講曬，有勞工法例保障你。但google 要停你，係即時，乜都無，連你原有賺得既balance ，佢都扣埋你！咁你有乜可能拎嚟做終生事業，你真係唔好制！

Youtuber 呢種income model 準令你無所適從，真係進退維谷，你想進取d投入d拎多d收入，隨時踩線，被block 既機會即提高；唔多點理呢，又無乜收入，少到你都唔想理。

所以，youtuber 呢d野，兼下做就好，當興趣做都可以，晚年攞泥退休做下過日神都得，但拎嚟當終生職業，你真係會無日心安，怕一覺醒來，google 嗰演算法就block 左你account ，真係你做得愈耐，就愈擔心，人到中年，突然乜收入都無，年資又無得count ，你唔驚！

年資寳貴，年青人不要亂花，找份實在的工作做為要。