我不看好Microsoft OpenAI

有舊生說，美股微軟也可投資，我當然不敢說錯，天曉得，世事無絕對，大家討論下而已。

我亦將我對微軟的睇法分享一下。

微軟呢間公司，曾有兩「浸」光輝期，第一浸喺上世紀八零年代，Steve Jobs 被踢出Apple，Bill Gates 藉此全面將window 系統發揚光大，創做了他成為全球首富的神話，八零年代係我求學事期，無論我在書局或在大學商學院中，都不時分別看到有關他的書籍和有關他既學術文章，可謂一時無兩。

然而，Steve Jobs 回歸Apple後，加上Bill Gates 退下來，微軟又搵左d夜郎自大既CEO，就開始節節敗退，最經典失敗之作當然係佢既window phones，真係一度令微軟股價得返嗰三十幾美金，超陰公！呢個價大概係十年前既事！

跟住，微軟找到救命草，就係發展佢既雲端科技Azure ，真係救返佢，始終佢作業系統喺商業世界根深蒂固，連政府部門會要用，結合埋佢雲端服務，有協同效應，令微軟股價喺過去十年翻好多翻，差唔多升左十倍，去到三百有多美金。

微軟緊接既主題就係佢而家雲端所提供的人工智能服務。但我上一篇都講過，人工智能要客製化先有得做，微軟呢方面既軟體配合仲未成熟，仲係停留喺收購人地d語言models，未必追得切主流趨勢。

我另一篇文章都講過，過去兩季微軟殺豬咁噪話Bing 會藉人工智能取替Google chrome 地位，但實情係，4月出嚟既報告，Google Chrome 既市佔率依然九成幾，從未動搖過！而Bing 反而跌左！

Google Chrome 根本就唔只係一個搜尋器，佢有好多其他好重要既協作功能和共生圈，點會因為你微軟d潮流玩物就輕易玩完，儍既！

就當微軟勁過Google ，咁已經反映左喺PE 度，Google 既PE 而家大概二七倍左右，但微軟已經三十幾倍。

順帶講一講， NVIDIA 既PE 已經200倍，但我認為未來佢既營利會翻好多翻，所以我仲覺得NVIDIA 有排升。

當然，呢d都係我一廂情願，鍾意左隻野，就覺得佢乜都係好！