寧買當頭起，不要多心！

NVIDIA 和 STX 爆升得厲害，以倍計，有些舊生不敢買，想入手其他便宜的，我想講：

「你咪亂柒咁嚟！」

要加個「柒」字，先夠感染力。

你明明係見到呢兩隻升得厲害，見獵心起，想打老虎，但又怕，居然走左去捉田鼠，然後同自己講，我成功獵殺，等隻田鼠變老虎，你係咪有神經病！

所以，d舊生問我，又或幫人問：「買AMD 、google 定ARM 好？」大佬，明明升既係NVIDIA ，你做乜走去柒入其他啫，將NVIDIA 類同佢地？有得咁既咩！豪宅等於公屋？

我明呢d人想法，覺得NVIDIA 好貴，怕接火棒，但見人賺，又好想賺，於是搵隻同類型頂住先，以填補心𩆜空虛。

但事實係：NVIDIA 同STX 部Lift 只係升到十樓，你而家接貨，仍然潛力無限，最多坐貨一年半載，佢地又升高幾十層，而其他仲喺三樓以下上上落落，無意思！

NVIDIA 和STX當炒之勢已成，有大勢大炒家就不會放過，一定玩到盡，我地就跟玩。

寧買當頭起，就係呢個意思。

淨係未來半年，大上小落，你跟到節拍，成日有息收！

我正在適應呢個節拍中！我見我老豆收941 股息收得好過癮，我要自製股息同佢一較高低。

我其實係識短炒既！