如我所料，美國蘋果股票開始被大戶拋售！

世間沒有神，自詡為神的，十之有十都是光棍；但別人視為神的，上天亦不會讓其在世上太久，十多年前的Steve Jobs，就是這樣的無奈。

但神人就是神人，Steve Jobs 去世後，餘威未了，帶協蘋果這間企業足足行了一個十多年的全盛週期；然而，走到今天，這週期已是盡頭。

我絕對明白蘋果有一個極成熟的環球生態，要支持它的用家遍及全世界，他們會死心塌地支持蘋果的所有產品，但這是一回事；而要令蘋果股票再爆升，就需講求產品的創新，可是，過去十年的觀察，你會發覺，蘋果的創新能力，幾近零！

「無論我們是第二、第三、第四還是第五推出這個產品，這不會影響我們把產品做到完美的決心。對於蘋果來說，作出最好的產品永遠是第一位」，Tim Cook 這樣說，啫係抄咯，等同行出乾出淨，攞哂教訓同經驗，先自己做或買人地的硏發成果，確係高招！所以攪部摺機，可以遲人地成七年，無得頂呀！真係笨人先出手，精人遲遲都不露兩手！

但呢種做法，只會令apple 原有既消費群感到滿意，但其他消費群，都用左別的品牌摺機多年了，習慣晒，好難轉會，對於要進一步擴大消費群嚟講，蘋果呢招唔work，咁即係以後無增長啦，股價點會有得升！

談到AI，其實蘋果呢方面可應用的範圍不多，始終呢間公司的產品焦點一向都在下游終端用家的個人體驗，甚少經營上游項目，特別是跟程式開發相關的軟硬件，相比Microsoft ，後者的VS code、Visual Studio 和雲端Azure ，存在廣闊的AI 應用場景，就好似copilot 應用喺VS code 到；唔好忘記，如果你用apple mac 機寫程式好滿意，你係用緊Microsoft 既VS code ，試下微軟以後除左 visual studio 外，連VS code 都唔支換Mac 機，寫程式就相當頭痕了！ 

而且上述Tim Cook 所講的經營理念唔見效於AI 硏發，人工智能講求機器學習，需日子跟用家互為博奕累積數據train 部機器，你Apple 遲遲未出，並唔係代表你醒，係太遲鈍，未能先知先覺早早開發！由此至終，蘋果產品的前瞻性只落在已故Steve Jobs 一人身上，真係逝者而已。

況且AI 應用於終端消費存在不少私隱問題，人工智能一向係「大口仔」，鐘意隨處講，終端用家未必受落自己既個人資料散佈在網絡世界上。

至於甚麽AR、VR 裝置，算啦！元宇宙都收晒皮，仲玩呢d！再至於出產電動車，我直情覺得蘋果不自量力！而且，Tim Cook 係咪想為左「產品完美」廿年後先出？到時興空中代步工具咯bor! Joby 股價應該升左好多！

一言以蔽之，Apple 還是繼續自high 於自己已有的消費群就算！我地買股要價格有爆炸力，無理由揀隻日落西山既！