如何玩期指？

有些舊生想學點玩期指，好吧！分享下我一些愚見。先聲明，我唔知出面d人點玩期指，我一向我自求我道，自以為是既一套方法。

首先，我呢個方法，唔係任何時候都可以用得上，係要等時期，唔係你想玩就玩，係要講大市配唔配合，就唔就！

咁大市點先玩到，首先要波動市，愈波動愈好，但最好價格趨勢係預期向上；不過，最後上唔到，都唔係太糟糕，還可寬心。

譬如而家恆指好波動，但氣氛都似係想升，咁你就要同時間買入盈富基金同沽期指。

先講最美好的情況：就係恆指先落，咁你沽既期指就賺，到某個位（呢個切入位好考你判斷力）就平倉賺實佢，果如你所料，恆指無幾耐就升翻，重升突，咁你又賺埋盈富基金嗰價啦！兩邊贏，恭喜你！

但世事豈能如斯順意，無咁理想既情況係：恆指跌完唔升，而你亦已平倉，咁都唔係太傷，盈富基金係有息收既實股，咪坐下艇等升咯，當儲貨！

最唔好既係：一開始即升，咁你期指蝕，盈富基金贏，你於是平倉兼賣走盈富基金，打個和！但通常唔係平手離場，你應該要輸d既。

記住！記住！上面呢個情況，你千奇唔好咁諗：咁不如我放左盈畣富基金賺左先，期指尤佢單邊等恆指落……

天才！咁你駛鬼一開始對沖咩，你索性淨沽期指齋賭你運氣啦！

你用得我呢個方法，就要守規矩：升時一定要同時間放曬佢！

唔準唔守規矩，剪你架！