好唔好追價入美股ARM?

昨日美股ARM 上市，升幅大概有2成多，我認為只是「火氣」，難再大升。

撇開大氣候美元供應緊絀不談，若單看ARM 這間公司的發展潛力，並不吸引。無錯，佢有盤好生意，成個mobile 市場都用佢既處理器架構，但利潤卻好微薄，唔係孫正義就唔賣股啦！

ARM 最主要收入來源，就係各手機品牌如用ARM 既處理器架構，要比license fee，係每部機計既，好似好和味，但其實每部機分唔夠一蚊美金，所以雖然係有穩定收入，但利潤真係唔多。

所以，ARM 最近想轉收費方法，由per-unit 轉做percentage ，咁貴價機可以分多d，但已經引起各手機品牌既反彈。

其中一個反彈，係長遠性既，因為近幾年處理器的「開源」架構（即係免費）RISC -V逐漸受到關注同埋其社區亦愈嚟愈活躍，難保手機品牌向呢方面發展，逐漸利用呢d開源架構，咁ARM 就大件事了！呢個係佢既隱憂！

坦白講，我進入科技世界後，對呢個產業某些人好生仰慕，原來呢個世界裏面有d人好有heart ，無酬喺社區中貢獻開源程式碼，最成功既社區當然係linux ，MariaDB、PHP、Nodejs……. 全部都係！如果你覺得加密貨幣世界充滿邪惡，咁佢既「大母體」就充滿真善美。自己都希望有生之年，學好編程，為呢d開源社區做d貢獻！因為，我既科技知識，由呢d開源社區所孕育，我知恩圖報。

而家開源處理器架構RISC -V最大的障礙就係欠缺作業系統既配合，如果一旦Linux 配合到，咁樣即係Android 系統都可以逐漸磨合到（Android 源自Linux)，咁ARM 就大鑊啦；當然，呢樣野唔係一朝一夕。

所以， ARM 唔係唔好，睇價錢，而家鳩升緊，唔好追咯；等佢回落先算！