大市該重回我的劇本

由伊朗表明不支哈馬斯達後，再透過美國從中的斡旋與調停，以色列亦表態同意與哈馬斯達成停火協議，以巴衝突似有平息的機會。

於是，比特幣價格應聲回落，市場所期待的美元增發落空，我估計比特幣短期內要回落至32000，甚至更低，跟著會重回我的劇本，再進一步下瀉。

每一次比特幣價格升勢，必定有些代幣借勢炒起，今回是ordi ，短短兩星期炒高一倍，高見25美元一枚，現在已回落至20美左右，我相信，其價很快會打回原形。簡直荒謬！ordi 爆升原因是因為多了平台可交易，咁就升一倍！？意義何在？ordi 底層功用的NFT 又未見市場熱潮，急急升一倍，明顯是大戶搵水魚接貨居多！

那有一個市場不被大戶所操控！沒有大戶，市場就像當下香港股市般。

除了比特幣價格回落，我相信美股又要倒跌了，現在市場又傳利息未必唔加，真係神又係「佢」，鬼又係「佢」，呢個「佢」係邊個？我唔知，總之，市場就常有睇法，而呢d睇法就總會喺一段時間內言之鑿鑿，講到似層層，然後某一日呢個睇法又被徹底推翻！

我一直堅持，美聯儲要加多兩口息先會停，total 約半釐，以巴衝突令加息疾一疾，但唔係代表已見頂。

如果以巴事件能夠短期內平息，我認為大市又要如我預期般走，即比特幣有機會穿兩萬，而美股則繼續上上落落。