外國遊客喺日本愈嚟愈無品！(1)

根據日本國家旅遊局統計，2023年5月訪日外國遊客數為189萬8900人次，較2019年恢復了68.5%，疫情後遊客嘅擾亂行為在全國各地已屢見不鮮，有不少遊客在餐廳內做出一啲過份嘅行為。

一位東京酒吧老闆說：「每個人都討厭呢度嘅居酒屋，四個鬼佬點兩枝啤酒輪流飲，坐成三四個鐘都冇點任何嘢食或小食。」另一位酒吧老闆感嘆道： 「有個醉酒遊客試圖強行闖入時而發生了爭執，當佢走嗰時向我哋扔玻璃樽，仲講咗句Fuck You! 但我哋冇一個員工識英文，所以冇辨法，出於自衛我哋唯有禁止外國人進入。」

而食完嘢唔比錢也時有發生，在東京新宿的某個以酒吧林立而聞名的地區，有一群顧客一前一後地離開酒吧，當要求最後一個人比錢時，佢賴死話：「點解我要比曬全部人嗰份？」此外，仲試過有人拋下一句「啲啤酒暖嘅，所以我係唔會比錢嘅！」飲完酒唔比錢就走咗，最後要搞到報警處理。

另外有些食肆會遇到另一些問題，例如啲客比咗錢都好但整壞咗個廁所，又試過整壞啲燈，甚至試過比人偷走咗個電視遙控同PokeTalk翻譯器。

六本木酒吧的工作人員也對某種「變化」感到無奈，「以前多數係居住喺日本嘅外國人喝醉酒發酒瘋，依家打架、破壞設施、溝女、性騷擾嘅多數係遊客，仲衰過以前。」

日文相關文章：