究竟呢個盤回佣係幾多呢？

而家望到呢d報導，第一樣想知既就係：回佣有無五成？

其實，喺而家樓市市道，好難構想有人理性地用接近20000蚊一呎買個普通單位，兼且仲要半打！

仲有，呢d單位全部應該得二百呎左右，啫係納米樓啦，仲買夠6伙？呢d樓咁好轉手咩！好好炒？

如果大家有留意身邊既朋友，有唔少都部署下半年移居，而呢一批係較深思熟慮較有準備要走既；唉……又走一批，啫係好多人而家都唔恨住香港啦，咁香港樓點可能有咁既價交易，講都無人信！

更何況，將軍澳地鐵盤好似SEASONS PLACE咁，均價都係HK$15000 左右，呢個盤點可以仲賣成HK$19000一呎呢 ? 賣貴兩成半 bor!

唔係一句「睇好前景」，就到呢d價架嘛！前景都要有d依據架。

好唏噓，究竟香港而家有幾多野，係真實既？就算唔真，d報導都make some sort of sense 吖！好似當睇既人係儍既。

睇得多呢啲報導，有時都質疑自己，係咪住喺一個智力較低的社會裏面！