咪將貨就價亂買野！

都說美國已復甦起來，最新資料顯示，美國五月新屋銷售不跌反升12%，而六月消費者信心升至17個月高位；看來，美國已解決「庫存過剩」的問題，進入常態經濟發展。

正因如此，我既舊生蠢蠢欲動想買美股，但我常談及的Nvidia 好貴，問我買其他平一些的美國科技股好嘛？較出名那些公司當然沒問題，但我仍想補充一些觀點。

過去十年，香港樓市瘋升，樓房動輒過千萭，於是，發展商推出那些「貓住都會跳樓死」的納米樓，一個房都無，廁所轉身位都無，監硬塞個開放式廚房，你絕對唔想煑野食，因為你唔想張床有油煙感，高峯期一樣可以賣到四五百萬，我嗰時已經問：「咁點解我唔住四五十年酒店！？」

你買得呢件三不像野，都唔會置家，咁住酒店仲好啦！

奈何港人對樓有情意結，照搶！今天樓市下滑，呢d納米樓甚至乎嗰d微型一房單位，跌幅必定驚人，未來幾年，樓價還要下滑，置業者都寧願買翻正常四百多呎實用面積既二房單位，起碼保值d；最近恆基推啓德Henley Park，雖然平左25%，但推既有好多都係呢庭納米一房單位，明顯發展商好想快d散走呢d垃圾！

保值既樓係三房有套廁，是貴重物業。

我講呢d野，無非想講我地買唔起正常樓，我寧願唔買，都唔會買呢d劣質盤。

股票都係，買唔起，比心機儲錢，儲夠先買，點都要買靚野，唔買垃圾！唔好心急，世界大把機會，不用急於一時！塞翁失馬，焉知非福，人生有好多妙處，只有恆久苦耐才領略到。