咁發展落去，明年年底新盤貨尾劈6至7成都有機！

屯門有新盤大劈價，比起三年前入手呢個盤的買家，而家買可幾近平一半。

貨尾就係咁架啦，劈到你唔信！當年沙士都係咁，當某個盤賣到七七八八，但市道仍差，發展商睇唔到前景，又或要還錢比銀行，佢地都唔想費心神跟貨尾糾纏落去，心態開始轉弱，就好肯減落嚟。

嗰時就有d投資者捉住發展商呢種清貨尾心態，再搏埋年尾要年結，主動去洽購，真係一個好彩，就執到平盤，咪話唔爽！

所以，你就算有心買樓，都等呢d新盤去到貨尾階段先出動啦，啫係大概剩一成單位未賣出先走去問價！

當然，呢種做法你要睇住大市發展，要喺熊三尾期先可以出動，如果用廿年前沙士嚟計，就係2002同2003年年尾；如果樓市一旦轉勢，發展商睬你都儍。

換言之，你要趁大市仲好差之際，留意邊個盤有貨尾，然後走去問d大地產代理有無得代為向發展商洽購，或者根本代理已經收到地產商既order 歡迎買家個別出價洽購貨尾單位。

樓市熊三的貨尾，可以平到你唔信！