咁樣講投資，真係靠害！

言猶在耳，昨天的文章我才奇怪為何現在物業市場「熊」得這麼深時，那些所謂死場劏舖仍可短炒獲利，今天就有報導「助攻」，似有意無意導引大家：死場劏舖真係有得炒！

d報導會咁講：從投資角度，現在入市輸極有限，博其中一注贏錢就有回報。

咁樣講都得？啫係我有100萬，分10個十萬入十個舖，博其中一個比我「鏗」到，升返120萬？（千其唔好氹我：咁另外九個舖都仲有價值架嘛！所以唔使收足百多萬啦。對我嚟講，賣唔出就無價值！）我十萬買返嚟，有水魚肯比十倍多？有可能咩？我亂石投林，大前題都要個森林裏面有珍禽異獸吖！若只得野兔，值唔值用咁大氣力擲石呢！

有位資深投資者仲犀利，佢咁講：「銅鑼灣下一注，尖沙咀下一注，荃灣下一注，元朗下一注，大埔又下一注，這些『劏場』都在當區的核心位置，有一注贏錢便可抵銷其他（成本），好像玩輪盤一樣，是值得玩的。」乜野邏輯嚟架！亂石投林已經夠恐怖，仲要亂石投咁多林，命中機率仲低！

其實，我好懷疑嗰d劏舖賺錢係「反向操作」，啫係個經紀本身已有客肯比三十萬，然後個經紀落力鋤心態軟的業主價，鋤到十萬，佢就搵「朋友」接貨然後賣比呢位貴客！

你試下而家主動去搵個十萬蚊劏舖，地產經紀得鬼閒為嗰一個佣（$1000)同你鋤業主價！