咁既主人房則，見到火都嚟埋！

由新世界發展及遠東發展合作發展的啟德跑道區新盤，有代理咁講：

「主人睡房設有寬敞轉角玻璃幕牆，大大增加室內採光度；睡房內更貼心預留衣櫃位置。其餘兩間睡房間隔方正，設有大玻璃窗。」

我係咪睇錯則呢，呢個主人房「寛敞」，條頂心杉中間凸出嚟，咁我點用嗰兩邊？做櫃？但玻璃幕牆大大增加室內採光度bor！荀到咁！如果我做個櫃，放d衫入去採光？定係準備呢個櫃位，我心情唔好「塞」自己入去玩愁思？真係叫人點做床架點做傢俬呢？

講真，如果我日後買香港樓，近七年起既新樓我真唔會買，d則茄茄厘厘，512呎可以開到3房套廁則，更居然係open kitchen ，唉……不倫不類！

我一直認為三房有套廁係優質盤，而家要加個備註，廿年前起嗰d三房套先係。

而家新起嗰d，我不敢恭維。