命中註定要跌個不休！

我的投資命格，亦不得不認命，就是每每入手某種資產，必先要嘗嘗其價跌一跌，久而久之，這「註定」已深植入我的投資意識中，而且不覺是甚麼一回事，因為到咁上下，佢就開始升，買股如是，買樓如是，買加密貨幣更是！

正所謂「賣仔莫摸頭，摸頭眼淚流」；而我，則「買股莫估底，估底得個淆」，愈估愈淆底，結果遲遲入不了手，最終甚麼也買不了。

亦正因如此，我無投機命水，短期炒作與我絕緣，我無得揀，只能用心硏究某資產的潛在實力，然後入手作較長線的投資。

有時，若一買就升，我反覺得好唔對路，可能我估錯隻野既潛力！

而家，我又開始準備入STX，正如上述所說，我逢買必先跌，所以開首一定好輕注，其價每跌一級，我就輕輕的再來一注，如此這般，每落一級的注碼，會逐步增多，到我認為係底部既時候， 就 all in 我部署既剩餘數目，跟住……嗰價應該仲會跌下，命中註中嘛，係要跌囉！

唔理咯！買完搵條咸水草將d STX 綁埋一邊，唔柒理，等年尾收成！