呢位內地網紅搵野泥講！

近日有位內地網紅話喺香港旅遊，用普通話溝通時被歧視。

我覺得佢真係無野好講搵野泥講！今時今日香港點會重有呢種歧視呀！三十年前咩！？

而家你喺香港講普通話，根本係好普通正常不過事，懂聽的一定會回應你，不懂聽的，你講其他語言，佢地都一樣唔識回應妳。明顯係佢要抓拍攝話題，處處特別小心眼特別敏感而已，或自己刻意凝造情態或老作！

老實講，中港融合到今時今日，已經好成熟好「入血」，呢幾年，我喺多間中學做支援老師，眼見許多學生私下溝通係用普通話既，愈低年級愈係，我都唔覺一件咩野特別事，已經好常態，連教育系統都已經係咁，妳呢位網紅講呢d，out 唔out d！

唔止中學，無論大學、大企業或甚至乎大家新相識的朋友，都可能從內地來，講國語，有乜稀奇！我地咪照溝通架啦！語言係愛泥溝通，唔係愛泥分黨分派，製造矛盾。唔通你有個令到爆女同事同妳講國語，你會歧視！？我怕佢歧視我太令仔多d！

香港而家好多服務行業，人手都來自新移民，大家已經同宗同源，點會有歧視！？

三四十年前之所以有歧視，唔多唔少係因為當時內地人既教育水平偏低，欠文化修養；但今時今日既內地年青人，已經受過多年教育，有教養且懂守社會規矩，中港年青人已真逐漸融和一起，何來歧視！？我有幾個舊生，配偶都係內地人啦！已經極常態。

至於土生土長的香港人，要移居就移居，像我這一輩，要老死也老死。這是一個時代，但已跫音漸遠。

如果我同你講內地人，你重諗起d「大媽」，你思想都真幾out! 重咁樣stereotyped!? 是你跟不上時代！