別騙我！撤辣後再沒有自用與炒賣之分啦！你只係邊住邊炒！

香港人對物業特別有一份情意結，是因為幾十年來，在香港能致大富的人，大多全因入手物業；所以，物業、物業、物業，港人對此不動產的fantasy，非同小可。其實，在很多港人心中，物業那有用來自住，這是其次，重要是用來致大富。現在撤辣，正中下懷，可以邊住邊炒，太有策略了！

香港人，只要樓市稍有轉勢的風聲 ，腦神經就異常蹦緊，誓要透過物業交易奪取財富過來般，斷搶咁，好恐怖！於是，這幾星期，多了一批喪壓價的二手買家，他們期望，可以執到超荀貨。

也許，今天的香港，搵食已愈來愈艱難，物業已是最後一根搵食稻草。

我認為這不是稻草，是有毒的草藥，長期迷患了港人心，最後就要付出寶貴的一堂人生課。

其實我不明，以現時發展商積壓如此多貨，撤辣一定不能一下子清銷所有單位，真係一成貨都係未必清得晒，往後劈價求售的機率極高，都說過了，我估計由樓價高峯期計，要劈四成才可清掉七成貨，現在你即使能在二手市場成功壓價，最多也是五六個百分點，跟著你就成為發展商的對手，你做乜咁笨今日持貨嚟加入他們的劈價行列，佢地仲有成年幾兩年劈價，實低過你而家買入價啦！

樓價還有很大空間下跌，起碼有成幾，究竟他們博甚麽！話用嚟自住，係！我明既！

呢個策略，好似幾好！但若果樓價還有成幾要跌，跌完跟住仲橫行幾年，或好多年，咁你根本買貴貨。

其實呢d買家都精既，所以佢地會盡量揀細價盤，降低風險，有乜依郁，真係自住咯！或放租！

呢個就係近期撲出嚟既物業買家心態。

感覺上，我覺得同玩窩輪一樣，有晒時間值，都幾煩氣！