別錯過日本REITs

今天投資，由不得我們沒有環球觀念了，我意思係，投資再沒有地域之分，整個地球的股市都是你既投資對象，尤其係當下港股靜如處子，我唔抹殺佢會有天動若脫兔，但睇嚟都有一段日子水波不興，異常沉悶。

最近，大家也見到我既分析，集中在日本既股樓，既然我看好國際資金在未來日子流向日本，而日本政符又大刀闊斧進行改革，要移除嗰d因循守舊既僵死制度，又推出補貼政策，鼓勵日本科企重振國內半導體產業，再加上日本已表明（或已得美國首肯）會有一段時期維持低日元匯價政策，我相信未來股樓會大升的。

有無留意，我以上所講既利好日本投資市場因素，就係我近日所發有關日系時事報導既文章內容，現在我再整合一次，大家就明白我過去發文的文理邏輯。

好啦！咁你可能想投資日本既股樓，投資日本股票不難，用interactive broker ；但隔洋投資日本物業，我可以同你講，流得出嚟比你買既物業，根據經濟學極出名既「檸檬原則」，你能買到既日本物業，好大機會係「檸檬」，即係爛茶渣，好野佢地日本人自己買左啦！輪到你！？

而且，你要甩呢d過江物業，都幾煩氣；換言之，你買日本樓，係入緊d極低流動性既資產。

所以，如果你真睇好日本商住物業的租值和市值，不如買日本既房地產信託，即係REITs，起碼佢係股票，要走容易，高流動性。

所以，未來日子，我會交出好多呢d日本REITs 的分析，兩小時前我已發第一篇。

真係就算你唔投資，都可以當提升見聞嚟跟讀。

相關文章 :