別自詡為Key Opinion Leader ，只會惹禍上身！

昨天在whatsapp group（不是Telegram group) 中，有位舊生說得痛快，突然彈出一句指我是該群組的Key Opinion Leader ，我登時儍了眼，心想：「唔係啩！呢個身份茲事體大，我真係唔想死咪推我去死！」

認真的！Key Opinion Leader 這個身份，在外國可能是正面之詞，但在中國境內，最好不要亂用！別草率冠在別人身上，咁你係害緊佢；或你狂莽自大地自詡，亦只會無端惹禍。

棒打出頭鳥，林作不是已經很偉大地以身示範給我們看嗎？

你睇睇過去十年既香港，嗰d Key Opinion Leader ，有乜野政治下場？我無能力亦無膽色，小角色一名，只是跑龍套而已，無資格做Key Opinion Leader ，而且又無人工收架！我博乜，免啦，真係唔好客氣，我受唔起亦無需要揹呢個名份，無著數我唔做。

當下香港，大家都知政治生態已變，絕對可以以言入罪，亦可以追溯從前，我們說話行事必須要小心𧫴慎，不能胡亂放話有所逞強，行徑也𣎴可以太出位；也許，你今天的說話或行徑並不過火，但發展下去，你可能失控，客觀環境也會失控，又係林作呢個個案，你估佢想事情發展到咁咩！所以你要懂得防患於未然，少一句說話好過多一句說話，少做一件事好過多做一件事！明哲保身。

立身處世，慎言慎行是必須！多言多敗是事實！

也許這位舊生已移居，說話放了些，但還請顧及群組內還有很多人仍活在香港，他們只想在此處守法地平凡生活。

包括我。