別看得香港太淡！

個人估計，香港大概有五至六年「靜」落嚟，亦即整個經濟不會大起大跌，在平淡中鞏固當下的根基。

人的反應常有兩個特徵，第一，往往不會先知先覺，要滯後一段時間才認知當下情況；第二，如索羅斯所言，知道後，行為和預期都會過份反射（over-reflective)。正如香港樓市，你兩年前喊著樓市要走入低谷期，很多人都會嗤之以鼻；現在接受了，就會覺得樓市會繼續下沉，永不超生。

自己年青時這方面也拿揑得不夠準；但年月就是好導師，讓我學懂用「牛眼」看天下，敏感於轉勢的徵兆…..

現在，當很多人仍看跌香港時，我卻認為香港已收縮得差不多了，跟著要橫行幾年，原因如下：

1） 樓市租值有承托，說過了，以現時租金，常態萬二三元一個月，住五十年跟當下樓價差不多，樓價再跌空間不大。

2）股市我是最看不好的，下試萬五六不出奇，但港股跟美股不同，香港無股息稅，港股有股息收，尤其中資股股息不俗，跌到咁上下就有支持。

3）香港最吸引人的營商環境就是稅輕，真係好關鍵，以香港為基地，真係交少好多稅。就以我的收入模式為例，如果我在其他國家，包括星加坡，Google 要先hold 我三至四成收入代為交稅，要注意，係「收入」，唔係「利潤」，大佬！我要喺Google 各大平台賺取收益，我都有成本，而且唔輕，但嗰三至四成係硬掘向我收入度抽；如果我報香港稅，起碼扣完成本先計稅，已經差好遠！所以，當香港「平」到咁上下，外資就會返嚟。

當然，我唔係話香港已經可以由谷底回升，香港仲有排捱，但再災難式沉淪，未必啦！