別學張五常口吻

學電腦程式跟學Econ 最大既分別，係前者你無得「亂噏」，你係做到嗰個output 結果就係做到，無話你啱都可以話你錯；Econ 就唔係咁啦，因為未必喺現實世界搵到相應既客觀條件可比對，你結論啱唔啱，天曉得！

再進一步，有些人會用一d似是而非的「邏輯」話你d Econ 分析錯，高考Econ 那個時代就係咁，好多人會學曬張五常d口吻，郁下就話你邏輯錯，嗰時我喺網上見人批評另一d人經濟分析甚麽有自相矛盾，但我反覺「話人者人亦話之」，佢自己嗰分析內容，不要懶勁說甚麼邏輯了，就係文理都混亂不堪，點可以批評人！不過，網上文化那有真理，只有隨風擺柳，我心知肚明，人亦學得乖巧，真係拗泥都無謂，所以我在網上甚少發表較嚴肅的經濟分析，免得無聊地被人「消費」。

真係好怕有d人開口埋口就話人地講野有邏輯矛盾既問題，好煩！我想講，邏輯既矛盾有時並唔係咁易睇到，點會可以成日掛喺嘴邊！

電腦的程式所講求的邏輯，因為對象是部機器，比起Econ 分析就更嚴𧫴了；我地都無可能一望下d寫程式碼就知有無邏輯問題，真要行下先知，我都唔知有幾多次，output 嗰結果先驚訝：「行到bor，原來咁都行到bor!」。

邏輯的奧妙，我是別有一番感受的。